#SaveNepaValley 𑐣𑐾𑑏𑐳𑑄𑑏 𑑑𑑑𑑓𑑗 𑐐𑐸𑑄𑐮𑐵𑐠𑑂𑐰 𑐣𑐰𑐩𑐷 𑐎𑐸𑐤𑐸 𑐂𑐣𑑂𑐚𑐬𑐣𑐾𑐚 𑐴𑐬𑑂𑐟𑐵𑐮 𑐫𑐵𑐣𑐵 𑐳𑑂𑐰𑐟𑑅𑐳𑑂𑐦𑐹𑐬𑑂𑐟𑐬𑐸𑐥𑑄 𑐣𑑂𑐴𑑂𑐫𑐵𑐐𑐸 𑐏 𑑋 𑐳𑑂𑐰𑐣𑐶𑐐𑑅𑐮𑐾 𑐣𑑂𑐴𑐵𑐥𑐵𑑄 𑐳𑑂𑐫𑐵𑐚𑐮𑐵𑐂𑐚 𑐳𑐶𑐚𑐶 𑐰 𑐁𑐄𑐚𑐬 𑐬𑐶𑐒𑑂𑐐𑐬𑑀𑐜𑐫𑐵 𑐰𑐶𑐬𑑀𑐢 𑐫𑐵𑐣𑐵 𑐰𑐥𑐶𑑄 𑐮𑑂𑐫𑐵𑐫𑑂𑐩𑑂𑐴 𑐥𑐸𑐔𑑅 “𑐄𑐥𑐟𑑂𑐫𑐎𑐵𑐧𑑂𑐫𑐵𑐥𑐷 𑐳𑐜𑐎 𑐧𑐶𑐳𑑂𑐟𑐵𑐬 𑐥𑐷𑐜𑐶𑐟 𑐳𑑄𑐑𑐬𑑂𑐲 𑐳𑐩𑐶𑐟𑐷” 𑐣𑐵𑐥𑑄 𑐩𑐶𑐮𑐾𑐖𑐸𑐫𑐵 𑐠𑑂𑐰 𑐴𑐬𑑂𑐟𑐵𑐮 𑐐𑑂𑐰𑐳𑐵 𑐐𑑂𑐰𑐐𑐸 𑐏 𑑋 𑐣𑐾𑐥𑐵𑑅 𑐰 𑐴𑐮𑐶𑐩𑐫 𑐠𑐷 𑐠𑐷 𑐡𑐾𑐳𑐫 𑐔𑑂𑐰𑑄𑐥𑐶𑑄 𑐁𑐥𑐵𑐮𑑄 𑐩𑐣𑐸𑐟 𑐦𑐾𑐳𑐧𑐸𑐎, 𑐚𑑂𑐰𑐷𑐚𑐬, 𑐃𑐣𑑂𑐳𑑂𑐚𑐵𑐐𑑂𑐬𑐵𑐩 𑐥𑐵𑐏𑐾𑑄 𑐧𑑂𑐰𑐟𑐶 𑐎𑐫𑐵 𑐠𑐐𑐸 𑐳𑐩𑐬𑑂𑐠𑐣 𑐎𑑂𑐫𑐣𑐵 𑐋𑐟𑐶𑐴𑐵𑑃𑐳𑐶𑐎 𑐬𑐸𑐥𑑄 𑐠𑑂𑐰 𑐴𑐬𑑂𑐟𑐵𑐮 𑐳𑐦𑐮 𑐖𑐸𑐐𑐸 𑐏 𑑋
𑐣𑑂𑐴𑐵𑐥𑐵𑑄𑐐𑐸 𑐥𑐮𑐵𑐎𑐠𑑄 𑐖𑐶𑐥𑐶𑑄 𑐳𑑂𑐰𑐣𑐶𑐐𑑅𑐫𑐵 𑐠𑐷 𑐠𑐷 𑐣𑐐𑐬𑐾 𑐰𑐣𑐵 𑐰𑐶𑐎𑐵𑐳𑐫𑐵 𑐣𑐵𑐩𑑄 𑐫𑐵𑐣𑐵𑐴𑐐𑐸 𑐰𑐶𑐣𑐵𑐳𑐫𑐵 𑐧𑐵𑐬𑐾 𑐖𑐣𑐔𑐾𑐟𑐣𑐵 𑐖𑑂𑐫𑐵𑐗𑑂𑐰 𑐎𑑂𑐰𑐔𑐵𑐫𑐎𑐵 𑑋 𑐀𑐣𑑄 𑐮𑐶𑐥𑐵 𑐧𑐩𑐶𑑄 𑐖𑐸𑐫𑐵 𑐗𑐷𑐐𑐸 𑐎𑐵𑐣𑐹𑐣𑐷 𑐴𑐎, 𑐀𑐢𑐶𑐎𑐵𑐬𑐫𑐵 𑐔𑐾𑐟𑐣𑐵 𑐖𑑂𑐫𑐵𑐗𑑂𑐰 𑐣𑑄 𑐎𑑂𑐰𑐔𑐵𑐫𑐎𑐵 𑑋 𑐦𑐮𑐳𑑂𑐰𑐬𑐸𑐥 𑐣𑐾𑐥𑐵𑐮𑐫𑐵 𑐳𑐬𑐎𑐵𑐬𑑄 𑐗𑐷𑐐𑐸 𑐐𑐸𑐠𑐷-𑐧𑐸𑑄 𑐮𑐵𑐎𑐵 𑐎𑐵𑐫𑐟𑑂𑐫𑑄𑐧𑐮𑐾 𑐮𑐏𑑁𑑄𑐮𑐏 𑐩𑐣𑐸𑐟 𑐦𑐶𑐧𑑂𑐰𑐏𑑂𑐫𑑅𑐮𑐾 𑐩𑐸𑐣𑐵 𑐗𑐷𑐐𑐸 𑐱𑐎𑑂𑐟𑐶 𑐐𑐸𑐮𑐶 𑐡𑐸 𑐢𑐎𑐵 𑐎𑑂𑐫𑑄 𑐰𑐐𑐸 𑐗𑐷 𑐳𑐎𑐳𑐶𑐣𑑄 𑐳𑑂𑐫𑐹 𑑋
𑐗𑐷𑐳𑑄 𑐗𑐶𑐐𑐸 𑐩𑐵𑐟𑐺𑐨𑐸𑐩𑐶𑐃 𑐕𑐸𑑄𑐴𑐾 𑐎𑐠𑑄𑐫𑐵 𑐎𑐸𑐡𑐺𑐲𑑂𑐚𑐶 𑐮𑐵𑐎𑐾 𑐧𑐶𑐩𑐏𑐸 𑑋